نئون ڪوٽ ھيلٿ ڪيئر ڪميشن جي ٽيم جي عطائي ڊاڪٽرن خلاف ڪاروائي ڪندي عطائي ڊاڪٽر نھال چند ميگھواڙ ۽ عطائي ڊاڪٽر جميل احمد جون اسپتالون سيل ڪري ڇڏيون

 نئون ڪوٽ ھيلٿ  ڪيئر ڪميشن  جي ٽيم جي عطائي ڊاڪٽرن خلاف ڪاروائي  ڪندي عطائي ڊاڪٽر نھال چند ميگھواڙ  ۽ عطائي ڊاڪٽر جميل احمد جون اسپتالون سيل ڪري ڇڏيون

 نئون ڪوٽ ھيلٿ  ڪيئر ڪميشن  جي ٽيم جي ميڊيڪل ايڪسپرٽ  ڊاڪٽر محمد عمر ڪاڪا اينٽي ڪيوڪري مير خادم حسين ٽالپر ۽ ٻين اڄ نئون ڪوٽ پھچي عطائي ڊاڪٽرن خلاف ڪاروائي  ڪندي عطائي ڊاڪٽر نھال چند ميگھواڙ  ۽ ڏندن جي عطائي ڊاڪٽر جميل احمد جون اسپتالون سيل ڪري ڇڏيون۔  ٽيم جي پھچڻ تي ڄاڻايل ٻئي عطائي فرار ٿي ويا عطائي ڊاڪٽر جميل مريض جي ڏاٺ ۾ لڳل پڪڙ بـ نـ ڪڍي ۽ فرار ٿي ويو جڏهن تـ بسمـ ڪلينڪ ۽ ليبارٽري ھلائيندڙ  عملو مريضن کي تالو ھڻي فرار ٿي ويا ان سلسلي ۾ رابطي ڪرڻ تي ميڊيڪل ايڪسپرٽ  ڊاڪٽر محمد عمر ڪاڪا لاڙ وائيس سان ڳالھائيندي  چيو تـ اڄ ڪاروائي دوران اسان ايس ايس پي ۽ ڊي آئي پي ميرپورخاص  سان 

رابطي ۾ ھئاسين جڏھن مقامي ٿاڻي تي ڪو بـ اطلاع  نـ ڏنو نئون ڪوٽ ۽ ان جي آسپاس ٻھراڙين نفيس نگر فضل ڀنڀرو 22 ميل موري 13 ميل موري 16 ميل موري روشن آباد اڪوٽـ  موري سميت ننڍي وڏي اسٽاپن تي ڏيڊ سئو کان بـ مٿي عطائي ڊاڪٽر انساني زندگين سان کيڏي رھيا آهن۔ جيڪي پوليس ۽ نام نھاد ماڻھن کي ڀتو ڏيئي وچڙندڙ بيماريون ڦھلائي رھيا آهن ڪجھ عطائي ھوميوپيٿڪ  جا بورڊ ھڻي ايلوپيٿڪ ھلائي رھيا آهن۔ ليبارٽرين تي ھڪ بـ پيٿالاجسٽ نـ آهي ھڪ پيٿالاجسٽ  5 کان مٿي ليبارٽريون کولرائي سرٽيفڪيٽ  تي پئسا  وصول ڪري رھيا آهن۔