پي پي چيئرمين بلاول ڀٽو نئين دير هائوس تي شداڻي درٻار حيات پتافي جي وفد سان ملاقات
Sunday, January 24, 2021
Comment
رپورٽ مير منٺار چنه خانپور مھر
، علائقي جي مسئلن بابت تفصيلي ڳالھ ٻولھ ، بلاول ڀٽو شداڻي درٻار پاران ڏنل اسڪيمن تي جلد ڪم شروع ڪرڻ ۽ اقليتي برادري کي هر موڙ تي ساٿ ڏيڻ جي خاطري پڻ ڪرائي(اميت شداڻي) ، ملاقات دوران عاجز دامراهه ، صوبائي وزير ناصر شاهه ، خورشيد جوڻيجو ۽ ٻيا پڻ موجود هئا ، خبرموجب ميرپورماٿيلو ويجهو حيات پتافي ۾ هند سنڌ جي هندن جي مشھور تاريخي ۽ روحاني شداڻي درگاھ سنت شڌارام صاحب جن جي شڌاڻي درٻار ۾ ڪجھ وقت اڳ پي پي چيئرمين بلاول ڀٽو زرداري سردار محمد بخش خان مهر سان گڏجي دوري تي پهتو ته شڌاڻي درٻار صاحب جي ڀائي صاحب جئرام داس شداڻي ۽ ڀائي اميت ڪمار شداڻي پاران حيات پتافي ۽ ان جي ڀرپاسي جي ڳوٺن لاءِ تعليم ۽ صحت جي سهولتن سان گڏوگڏ حيات پتافي جي مين روڊ جي تعمير جي سلسلي ۾ ترقياتي اسڪيمن ڏيارڻ جي گهر ڪئي وئي هئي جنهن تي بلاول ڀٽو پاران سنڌ جي وڏي وزير سيد مراد علي شاھ کي اسڪيمون منظور ڪرڻ جو حڪم ڏنو هو جنهن مان ڪجھ اسڪيمن تي ڪم شروع نه ٿيڻ جي سلسلي ۾ شداڻي درٻار صاحب جو وفد ڀائي سميت شداڻي، ڪيلاش جوت ، پرڪاش ڏهرا جي اڳواڻي ۾ نئو ديرو هائوس پهچي پي پي چيئرمين بلاول ڀٽو زرداري سان ملاقات ڪري ڀائي اميت ڪمار شداڻي پاران حيات پتافي ۽ ڀرپاسي جي ڳوٺن لاءِ آيل اسڪيمن بابت تفصيلي ڳالهه ٻول ڪئي جنهن تي بلاول ڀٽو سمورين اسڪيمن تي ڪم شروع ڪرڻ سان گڏوگڏ جلد اسڪيمن جو ڪم مڪمل ڪرائڻ جي پڻ خاطري ڪرائي
 |
| رپورٽ مير منٺار چنه |
۽ چيو ته اسين هندو جاتي سميت اقليتي برادري جي هر موڙ تي مدد ڪئي آهي ۽ انهن کي اڪيلو نه ڇڏبو اقليبي برادري سان هر موڙ تي ساٿ رهندو ملاقات دوران صوبائي وزير ناصر شاهه ، عاجز دامراهه ، خورشيد جوڻيجو ۽ ٻيا پي پي اڳواڻ پڻ موجود هئا هوڏانهن رابطو ڪرڻ تي ڀائي اميت ڪمار شداڻي ٻڌايو ته پي پي چيئرمين بلاول ڀٽو زرداري شڌاڻي درٻار حيات پتافي جي دوري دوران حيات پتافي ۽ ڀرپاسي جي مختلف ڳوٺن لاءِ ڏنل اسڪيمن ۽ حيات پتافي مين روڊ جي مين روڊ جو جلد ڪم شروع ڪرائڻ جي خاطري ڪرائي آهي ۽ ڏنل اسڪيمن کي وقت سر مڪمل ٿيڻ جي پڻ خاطري ڪرائي آهي اميت شڌاڻي ٻدايو ته بلاول ڀٽو پاران ڏنل اسڪيمن سان حيات پتافي سميت ڀرپاسي جي 10 کان مٿي ڳوٺن کي به اچ وڃ لاء روڊ ، صحت ۽ تعليم جي بهتر سهولتون ملنديون ۽ حيات پتافي جي مين روڊ جي تعمير سان سوين ماڻهن کي اچ وڃ جي بهتر سهولت ملڻ ڪري علائقي ۾ بھتر ترقي ۽ خوشحالي ٿيندي .
0 Response to "پي پي چيئرمين بلاول ڀٽو نئين دير هائوس تي شداڻي درٻار حيات پتافي جي وفد سان ملاقات"
Post a Comment