خيرپورگنمبوھ ٻنگار شاخ جي پوڇڙ جي آبادگارن جي اڳواڻن پاڻي جي کوٽ ۽ ھٿرادو وارابندي خلاف ھٿن ۾ پلي ڪارڊ کڻي ريلي ڪڍي
خيرپورگنمبوھ ٻنگار شاخ جي پوڇڙ جي آبادگارن جي اڳواڻن پاڻي جي کوٽ ۽ ھٿرادو وارابندي خلاف ھٿن ۾ پلي ڪارڊ کڻي ريلي ڪڍي
رپورٽ ارشد علي هنڱورجو
آبپاشي عملدارن خلاف نعريبازي ڪندي پنگريو جھڏو روڊ تي احتجاجي مظاهرو ڪري ڌرڻو ھنيو ويو آهي
ڌرڻي سبب روڊ بلاڪ ٿي ويو
پوڇڙ جي آبادگار اڳواڻن عاشق علي چانڊيو حنيف من چانڊيو زاھد گجر پير عابد شاهه سيد امان الله شاهه ۽ ٻين صحافين کي ٻڌايو ته مٿي واھن ۾ پاڻي جي ڪابه کوٽ ناهي پر آبپاشي سب ڊويزن خيرپورگنمبوھ جي شاخن جرڪس ٻنگار سميت ٻين شاخن تي آبپاشي عملدار ھٿرادو وارابندي جو بھانو ڪري شاخن جو پاڻي بند ڪيو ويو آهي ۽ وارابندي تي به ايترو شاخن ۾ پاڻي ڇڏيو ويندو آهي
جيڪو پوڇڙ تائين نه پھچندو آهي جنهن ڪري اسان پوڇڙي جا آبادگار زرعي فصل نه پوکڻ ڪري معاشي طور تباهه ٿي ويا آھيون ۽ اسان جي ڳوٺن ۾ پئيڻ جو پاڻي ناهي انسان ۽ جانور پئيڻ جي پاڻي لاء پريشان آهن آبادگارن چيو ته
اھا ڪھڙي حڪومت آهي جو پنهنجي ملڪ جي ماڻهن کي پئيڻ جي پاڻي لاء تڙپائي مرڻ تي مجبور ڪري ٿي اسان جي ھي جدوجهد ۽ جنگ پنهنجي جياپي لاء آهي وارابندي ختم نه ٿيڻ ۽ شاخن کي فل پاڻي نه ڏيڻ تائين جاري رھندي آبادگارن آبپاشي کاتي جي وزير کان مطالبو ڪيو ته آبپاشي سب ڊويزن خيرپورگنمبوھ جي آبادگارن سان آبپاشي عملدارن جو ظلم بند ڪري نوٽيس وٺي پاڻي کوٽ ختم ڪرائي وڃي
0 Response to "خيرپورگنمبوھ ٻنگار شاخ جي پوڇڙ جي آبادگارن جي اڳواڻن پاڻي جي کوٽ ۽ ھٿرادو وارابندي خلاف ھٿن ۾ پلي ڪارڊ کڻي ريلي ڪڍي"
Post a Comment