سڪرنڊ گٽر جي پاڻي تباهي مچائي ڇڏي شھرين پاران انوکو احتجاج تفصيل هن رپورٽ ۾
سڪرنڊ گٽر جي پاڻي تباهي مچائي ڇڏي شھرين پاران انوکو احتجاج تفصيل هن رپورٽ ۾
سڪرنڊ رپورٽ راج ڪماراوڏ
سڪرنڊ ۾ گندگي وڌي وئي، روڊن تي گٽر اٿلي پيا، ٽائون انتظاميا خلاف احتجاج، نعري بازي، خبر موجب ٽائون ڪاميٽي سڪرنڊ انتظاميا پاران صفائي نه ڪرڻ، روڊن تي گٽرن جو پاڻي اٿلڻ ۽ گندگي خلاف شھرين عبدالڪريم ملاح، فوجي ارباب انڙ، ياسين راجپوت، عمران راجپوت، سريش ڪمار ۽ ٻين احتجاج ڪندي ميڊيا آڏو دانهيندي چيو آھي ته سڪرنڊ شھر جي مختلف علائقن سميت مين روڊ تي ڪيترن ئي ڏينهن کان گٽر بند آھي ٽائون ۾ بار بار شڪايتون درج ڪرائڻ باوجود ڪوبه تدارڪ نٿو ڪيو وڃي، هنن چيو ته سڄو شھر گندگي جي ور چڙھي ويو آھي ڪروڙين روپيا بجيٽ هجڻ باوجود ڪو به ترقياتي ڪم نٿو ٿئي ۽ سالن کان وٺي ڪابه نئين نالي، روڊ يا ڪنهن به گهٽي جو ڪم نه ٿيو آھي پراڻيون ناليون ۽ پراڻو گٽر سسٽم هئڻ جي ڪري ناليون اٿلي رهيون آھن شھري عذاب ۾ آھن، نمازي ماڻھو پريشان آھن، هنن چيو ته ڪروڙين روپين جي خرچ سان ٺھيل روڊ گٽرن جي پاڻي اٿلڻ ڪري ٽٽي رهيا آھن، هنن مطالبو ڪيو ته فوري طور تي گٽر ٺھرائي پاڻي نيڪال جو مسئلو حل ڪيو وڃي ٻي صورت ۾ سخت احتجاج ڪيو ويندو.
0 Response to "سڪرنڊ گٽر جي پاڻي تباهي مچائي ڇڏي شھرين پاران انوکو احتجاج تفصيل هن رپورٽ ۾"
Post a Comment