خانپورمهر ويجھو سڱاوتي تڪرار تان جھيڙو فائرنگ ۾ عورت مارجي وئيkhanpor mahir news
خانپورمهر ويجھو سڱاوتي تڪرار تان جھيڙو فائرنگ ۾ عورت مارجي وئي
خانپورمهر ويجھو سڱاوتي تڪرار تان بوزدار برادري جي ٻين ڌرين ۾ جھيڙو، فائرنگ ۾ عورت مارجي وئي، ھڪ ڄڻو زخمي، مقتولا عورت جي وارثن جو جوابدارن جي گرفتاري لاء اسپتال ٻاھران احتجاج انصاف جو مطالبو.
رپورٽ مير منٺار چنه - خانپورمھر ٿاڻي جي حد ڳوٺ پير بري ۾ بوزدار برادري جي ٻن ڌرين ۾ سڱاوتي تڪرار تان جھيڙو ٿي پيو جھيڙي دوران فائرنگ ۾ 30ورھين جي ڪريم خاتون زال غمٽال بوزدار تڏي تي مارجي وئي، جڏهن ته هڪ ڄڻو مريد بوزدار زخمي ٿي پيو، اطلاع ملڻ تي خانپورمھر پوليس واقعي واري ھنڌ پھچي مقتولا جو لاش کڻائي شيخ همدان بن محمد اسپتال پھچايو جتان پوسٽ مارٽم ڪرڻ بعد لاش وارثن حوالي ڪيو ويو، ھوڏانھن مقتولا عورت جي وارثن مڙس غمٽال بوزدار، ڀاء ذوالفقار بوزدار، شاھنواز. سنا بوزدار ۽ ٻين اسپتال ٻاھران جوابدارن جي گرفتاري لاءِ احتجاجي مظاهرو ڪيو، ان موقعي تي ميڊيا سان ڳالهائيندي ڳالهائيندي چيو ته اسان جو پنهنجي ئي برادري سان سڱاوتي تڪرار هلندڙ هو، هنن الزام ھنيو تہ جوابدار رياض بوزدار ساٿين سڪندر بوزدار ۽ ٻين سان گڏجي غمٽال بوزدار جي ٻئي گھرواري جي ڌي 13ورھين جي نينگري صائمه کي اغوا ڪرڻ جي ڪوشش ڪئي جنھن دوران مزاحمت ڪرڻ تي جوابدارن فائرنگ ڪئي جنھن دوران جوابدار رياض بوزدار جي فائرنگ ۾ اسان جي ھڪ عورت ڪريم خاتون مارجي وئي هنن وڌيڪ ٻڌايو تہ جوابدارن نسورو ناحق ڪندي اسان جي نوجوان شادي شدہ عورت کي قتل ڪيو آھي، احتجاج ڪندڙن مطالبو ڪيو تہ فوري طور جوابدارن کي گرفتار ڪري اسان سان انصاف ڪيو وڃي، ان سلسلي ۾ خانپورمھر پوليس جو چوڻ آھي تہ
بوزدار برادري جي ٻن ڌرين ۾ سڱاوتي تڪرار تان واقعو پيش آيو آھي وڌيڪ جاچ ڪئي پئي وڃي ۽ وارثن جي پھچڻ بعد ڪيس داخل ڪيو ويندو آخري اطلاعن تائین ڪو بہ ڪيس داخل نہ ٿي سگھيو ھو ۽ نه ئي ڪا گرفتاري عمل م آئي ھئي..
0 Response to "خانپورمهر ويجھو سڱاوتي تڪرار تان جھيڙو فائرنگ ۾ عورت مارجي وئيkhanpor mahir news"
Post a Comment