ماتلي شھر ۾ گندگي جي آزار ۽ صفائي نه ٿيڻ خلاف ماتلي اتحاد جي آفيس مان سوين شھرين جي احتجاجي ريلي
ماتلي شھر ۾ گندگي جي آزار ۽ صفائي نه ٿيڻ خلاف ماتلي اتحاد جي آفيس مان سوين شھرين جي احتجاجي ريلي
رپورٽ:-جميل ڀرڳڙي ماتلي
ماتلي شھر ۾ گندگي جي آزار ۽ صفائي نه ٿيڻ خلاف ماتلي اتحاد جي آفيس مان سوين شھرين جي احتجاجي ريلي ڪڍي
سڄي شھر جو گشت ڪري ٽنڊو غلام علي روڊ تي ڌرڻو ھنيو ڌرڻي کي ماتلي اتحاد جي صدر محمد رفيق ميمڻ ۔علي چوھاڻ۔ اياز شيخ۔ باسط شاھ۔ ممتاز زئور۔ شعيب مڱڻھار۔ شرافت مڱڻھار ۔ اعجاز سولنگي۔ ذولفقارسولنگي۔ببي ڪاريو۔ اميد علي بروھي۔ خطاب ڪندي چيو ته ماتلي شھر گندگي جو شھر بڻجي ويو آھي بروھي محله۔ڪاريا محله۔ مساڻ محله۔پارابي محله ۔ جميل ڪالوني۔ چوھاڻ محله۔ڪرسچين ڪالوني۔
ڪاڪا ٽلو مل روڊ سليم ڪالوني ۽ ٻيا پاڙا مڪمل گندگي جي نظر ٿي ويا آھن شھر جي ھر گھٽي ڪچري سان ڀريل نظر اچن ٿيون۔ گھٽي ۾ گندو پاڻي به ھر وقت بيٺل نظر اچي ٿو. شھرين جو گذرڻ تمام مشڪل بڻيل آھي
انتظاميه سوئيپرن گهٽ ھئڻ جو جواز ڄاڻايو شھرين کي ٽاريو چڏين ٿا ماتلي جا شھري سخت تڪليف ۽ عذاب ۾ آھن اڳواڻن ميونسپل انتظاميه کان مطالبو ڪيو ته ماتلي شھر مان گندگي جو آزار ختم ڪريو نه ته ٻي صورت ۾ روزانو احتجاجي مظاھرا ۽ اختيارين جي آفيس جو گهيراؤ ڪري ڌرڻا ھنيا ويندا.
0 Response to "ماتلي شھر ۾ گندگي جي آزار ۽ صفائي نه ٿيڻ خلاف ماتلي اتحاد جي آفيس مان سوين شھرين جي احتجاجي ريلي"
Post a Comment