ٽنڊوجان محمد ۾صفائي واري عملي جو ٽائون انتظاميه خلاف آفيس اڳيان احتجاجي مظاهروtaluka municipal tando jan muhammad news

ٽنڊوجان محمد ۾صفائي واري عملي جو ٽائون انتظاميه خلاف آفيس اڳيان احتجاجي مظاهرو

رپورٽ .گلاب خاصخيلي  

 ٽنڊوجان محمد ۾صفائي واري عملي جو ٽائون انتظاميه خلاف آفيس اڳيان احتجاجي مظاهرو۽ ڌرڻو ٻن ڏينهن کان ڪم ڇڏ هڙتال جاري ٽائون ايڊمنسٽريٽر ۽ ٽائون آفيسر احتجاج باوجود  آفيس نه آيا. خبر موجب ٽنڊوجان محمد ٽائون ڪاميٽي ۾ ڊسمبر مهيني کان معطل ٿيل ٽائون آفيسر شوڪت ميمڻ جي ڪري ٽن مهينن کان ٽائون ملازم پگهار کان محروم آھن جڏهن ته چار ڏينهن اڳ ۾ نئون ٽائون آفيسر شوڪت وساڻ جي مقرري ٿيڻ باوجود ملازمن جو پگهار نه ٿي سگهيو آھي گذريل ڏينهن کان صفائي واري عملي ڪم ڇڏ هڙتال ڪندي شھر ۾ صفائي ڪرڻ جو ڪم بند ڪري ڇڏيو آھي جنهن کان پوء اڄ ملازمن عورتن مردن سميت ٽائون ڪاميٽي آفيس اڳيان احتجاجي ڌرڻو هڻي احتجاجي مظاهرو ڪيو ان موقعي تي ملازمن ذوالفقار بجير پرڪاش جيرام داس ڇوٽو گجراتي ۽ ٻين جو چوڻ هو ته ٽي مهينا ٿي ويا صرف آسرن تي هلايو پيو وڃي گهر ۾ ٻچن جو فاقا ڪشي تي گذارو آھي دڪاندار سيڌو سامان ڏيڻ بند ڪري ڇڏيو آھي وڃون ته ڪيڏانهن وڃون هنن چيو ته اسان ته ڪو ٻيو ڌندو به نه ٿا ڪري سگهون ڇاڪاڻ ته اسان ڌندو ڪريون ته اسان کان شي وٺندو ڪير؟هنن اعلي! اختيارين کان اپيل ڪئي آھي ته اسان سان انصاف ڪري اسان جا جلد از جلد پگهار ڪرايا وڃن؛ ملازمن جو وڌيڪ چوڻ هو ته هنن جو ٻن ڏينهن کان احتجاج جاري آھي پر هن وقت تائين ٽائون ايڊ منسٽريٽر اسٽنٽ ڪمشنر ڊگھڙي ۽ نه ئي وري نئين آيل ٽائون آفيسر ساڻن رابطو ڪيو آھي انهن کي ملازمن جو ڪوبه احساس ڪونهي .جڏهن ته آفيس ۾ موجود آفيس سپريڊنٽ  محمد ڇٽل خاصخيلي اڪائونٽ آفيسر شبير خان ٻڌايو ته اسان وٽ پگهارن جا بل تيار ٿيل آھن ٽائون آفيسر جي پهچڻ تي فوري پگهار ڪرايا ويندا.